Wednesday, March 19, 2014

മറന്നു വച്ചത്

മുനകൂര്‍ത്തുനിന്ന് നിന്നെ
വേദനിപ്പിച്ചപ്പോഴാണോ
നീ തിരിഞ്ഞു നോക്കിയത് ,
ചോര പൊടിഞ്ഞപ്പോഴാണോ
നെഞ്ചിലെടുത്തു വച്ച് താലോലിച്ച്
അരികുകള്‍ മിനുക്കിയത് ?
പൂര്‍ത്തിയാകാത്ത ശില്‍പ്പം പോലെ
ഞാനിന്നുമുണ്ട് ഇവിടെത്തന്നെ ..
രാകിമിനുസപ്പെടുത്തിയതിനാല്‍
നിന്നെയൊന്നു തോണ്ടിവിളിച്ചാല്‍
പോലും അറിയില്ലല്ലോ..
മറന്നു വച്ചത് നെഞ്ചിലെങ്കിലും ,
നിന്‍റെ കാലൊച്ച കേള്‍ക്കുമ്പോള്‍
ഞാനെന്‍റെ കരിങ്കല്‍ മുനകള്‍
വീണ്ടും കൊതിച്ചുപോവുന്നു.. 

2 comments:

  1. കാവ്യശില്‌പം

    നല്ല വരികൾ

    ശുഭാശംസകൾ.....

    ReplyDelete
  2. "പൂര്‍ത്തിയാകാത്ത ശില്‍പ്പം പോലെ
    ഞാനിന്നുമുണ്ട് ഇവിടെത്തന്നെ"

    കൊള്ളാം ...

    ReplyDelete