ഇതള്‍ കൊഴിഞ്ഞൊരു നിശാഗന്ധി: ഇല്ല ഇല്ല എന്ന് മിടിക്കുന്ന ഹൃദയമേ..:

Thursday, November 27, 2014

ഏതു ചോദ്യത്തിനും

എവിടെയോ ഒരു ഉത്തരമുണ്ട്

ഏതു മരുഭൂമിയിലും

ഒരു കുളിര്‍ക്കാറ്റുണ്ട്

ഏല്ലാ കണ്ണീരിലും

ഒരു ചിരിയുണ്ട്

വരള്‍ച്ചയുടെ

ഹൃദയത്തിലും ഉറവകളുണ്ട്

ഏതു പൂര്‍ണ്ണതയിലും

ഇല്ലായ്മകളുണ്ട്

ഏതു മുറിവിലും

സാന്ത്വനമുണ്ട്

ശിശിരങ്ങള്‍ക്കെല്ലാം

വസന്തവുമുണ്ട്

എവിടെ പോയാലും

ഒളിച്ചിരുന്നാലും

വീണ്ടും കണ്ടെത്തുന്നൊരു വഴിയുണ്ട്

നഷ്ടപ്പെട്ടു പോകുന്നതെന്തും

തിരികെ കൊണ്ടുവരുന്ന ഓര്‍മ്മയുണ്ട്

ജീവന്‍റെ കോണുകളിലെല്ലാം

മരണത്തിന്‍റെ കയ്യൊപ്പുണ്ട്

ഓരോ തളിരിലും

വേരിന്‍റെ സ്പന്ദനവും

മുകിലിന്‍റെ സ്പര്‍ശവുമുണ്ട്..

ഇന്നേതു ദുഖത്തിനും

ഭൂതകാലത്തിന്‍റെ

ഒരു നാളെയുണ്ട്‌ ..