ലോകത്തിന്റെ സ്വാര്ത്ഥതയില്
വീണു പൊലിഞ്ഞൊരു
മിഴിനീര്കണമായിരുന്നു നീ !
മനസ്സില് നീറി നീറി
പുറത്തു വന്നു പോയൊരു പ്രണയം !
Tuesday, July 10, 2012
പ്രണയം നീറുന്നു
ലോകത്തിന്റെ സ്വാര്ത്ഥതയില്
വീണു പൊലിഞ്ഞൊരു
മിഴിനീര്കണമായിരുന്നു നീ !
മനസ്സില് നീറി നീറി
പുറത്തു വന്നു പോയൊരു പ്രണയം !
അപരിചതന്
പടിയേറി കടന്നു വന്നപ്പോള്
ആദ്യം കണ്ടത് നിന്റെ കണ്ണുകളല്ല !
ആ കണ്ണുകള്ക്കുള്ളലെ ആഴങ്ങളില്
ഞാന് വിരൂപയെന്നു കരുതിയ ഒന്ന് കണ്ടു !
അന്ന് .... ആ കണ്ണുകളില്
ഞാന് എന്നെ തന്നെ കണ്ടപ്പോള് മുതലാണ്
ഞാന് സൌന്ദര്യമുള്ളവളായി തീര്ന്നത് !
അന്നാണ് ഞാന് ആദ്യമായി ഒരു
അപരിചിതനില് എന്നെ അറിഞ്ഞത് !
ഇന്നും നീ എനിക്ക് അപരിചിതനാണ്
ഞാന് എനിക്കെത്താനാവാത്ത
അകലങ്ങളില് എവിടെയോ ......
Monday, July 9, 2012
ജന്മാന്തരങ്ങള്
കാത്തിരിക്കുന്ന ഒരു പൂമൊട്ടുണ്ട് !
വേദനയുടെയും വിരഹത്തിന്റെയും
ഋതുക്കള് താണ്ടി നീ അവിടെയെത്തുവോളം
മൊട്ടായി കൂമ്പി കാത്തിരിക്കും !
ഒടുവില് നീ ആ പൂവിനെ ചുംബിച്ചുണര്ത്തുംവരെ !
തേന് തുള്ളി
ഒരു തുള്ളി കണ്ണീരിന്റെ നനവായി
ചേക്കേറാം ഞാന് നിന്നുള്ളില് ,
കാത്തു സൂക്ഷിക്കുക നീയത് ..
വിദൂരങ്ങളില് നീ തേടിയലയുന്ന
പ്രണയത്തെ പുല്കും വരെ.. !
അന്ന് നിന്നില് നിന്നും ഞാന് അടര്ന്നു വീഴും
പുഞ്ചിരിയിലലിഞ്ഞു ചേര്ന്നൊരു തേന് തുള്ളിയായി !!
ഒരു ശ്വാസബിന്ദു
നിന്റെ ശ്വാസത്തിന്റെ ഒരു ബിന്ദുവായി
പിറക്കാന് എന്നെ അനുവദിക്കൂ ...
നിനക്ക് ചുറ്റും എപ്പോഴുമുണ്ടാകാന്,
തളരുമ്പോള് മനസ്സിന്റെ ഭാരങ്ങള് ഒപ്പിയെടുത്ത്
ഒരു നിശ്വാസമാവാന് ...
ഏകാന്തതകളില് ഒരു ഗാനമായി ആത്മാവിലുണരാന് !
നിദ്രയില് നിന്റെ സിരകളിലേയ്ക്കൊഴുകി ,
സ്വപ്നമായി വിടരാന് ... !
വിരഹമായി നീ
എന്നിലെ നിന്നെ അറിയാന്,
വിരഹമായി,
കാലത്തിന്റെ വിളയാട്ടം വേണ്ടിയിരുന്നോ ?
അത്ര മേല് നീ എന്നില് വേരുറപ്പിച്ചതല്ലേ ..
Sunday, July 8, 2012
കവിതയായി പുതുജന്മം
നിന്റെ പ്രണയം ഉരുകുമ്പോള്,
വെറും കണ്ണീരില് ഒഴുക്കാതെ,
അക്ഷരങ്ങളുടെ മണ്കുടങ്ങളില്
പ്രണയത്തിന്റെ ചിത നിറക്കുക !
ഒരു നൂറു ജന്മം ഇനിയും
കവിതയായി അത് പിറവിയെടുക്കട്ടെ !
ജീവനുള്ള വാക്കുകളായി
ഓര്മ്മകള് ഒഴുകിത്തുടങ്ങും...
മനസ്സുകളില്.... ഓളങ്ങളില് ...
Subscribe to:
Posts (Atom)