പെണ്‍പാട്ട്

കൊതിക്കുന്നോരാകാശമെനിക്കു മുന്നില്‍
പരന്നു പരന്നു മദിക്കുന്നു..
ഭയന്നു ഭയന്നു ഞാന്‍ സ്വയം ബന്ധിച്ചു
വാതിലടയ്ക്കുന്നു..
പുകപോലലയാനെനിക്കൊരു ലോകം വേണം
വഴികളില്ലാത്ത ,
വഴിയോരം ചേര്‍ന്ന് കണ്ണുകളില്ലാത്ത
കൊച്ചു ലോകത്തിന്‍റെ നിഴലിലൂടെനിക്ക്
കാറ്റുപോലൊഴുകണം ..
ചിലങ്കകള്‍ ഭയം മറക്കണം .. !
ചിറകുകളില്‍ മുള്ളുടക്കാത്ത
കാട്ടിലൂടൊന്നു താഴ്ന്നു പറക്കണം ..
നോക്കി നോക്കി ഭോഗിക്കുന്നു
വഴിയിലോരോ ദാഹങ്ങളും
ഒന്നു മിണ്ടിയാല്‍
ഒന്ന് നോക്കിയാല്‍ ചീന്തിയെറിയുമേന്നെയീ
തെരുവിന്‍ തീപ്പന്തങ്ങള്‍ ..