ഒരു പ്രണയമഴ പെയ്യ്തു തോരേണ്ടിയിരുന്നു ,
എന്നിലെ അക്ഷര കൂട്ടങ്ങള്ക്കു
ഇലയായും , ചില്ലയായും ,
പൂവായും , സുഗന്ധമായും
പൊട്ടി മുളക്കാന് !
എന്നിലെ അക്ഷര കൂട്ടങ്ങള്ക്കു
ഇലയായും , ചില്ലയായും ,
പൂവായും , സുഗന്ധമായും
പൊട്ടി മുളക്കാന് !
Wednesday, July 11, 2012
ചോദ്യവും ഉത്തരവും
നിന്റെ ചോദ്യങ്ങളുടെ ഉത്തരങ്ങള് നിന്നില് തന്നെയാണുള്ളത്
നീ തന്നെയാണ് ഉത്തരങ്ങളെ ചോദ്യമാക്കുന്നതും
നിന്റെ ചോദ്യങ്ങളെ ഉത്തരങ്ങളായി മെനഞ്ഞെടുക്കുന്നതും !
ആമ്പല്കുരുന്ന്
ആരാരും കാണാതെ വിടര്ന്നൊരു ആമ്പല്കുരുന്ന് !
നിലാവിന്റെ മാസ്മരികതയില് സ്വയം മറന്ന്
പ്രണയം കൈമാറിയ തെറ്റിന്,
പകലിന്റെ ശാപമേറ്റു വാങ്ങിയ സൌന്ദര്യം !
പകലന്തിയോളം കൂമ്പി നിന്ന്
നിലാവിനെ മാത്രം പൂജിക്കുന്ന
നിശാപുശ്പത്തിനു വെയില് നാളങ്ങളില്
നൃത്തമാടുന്ന നിന്റെ വര്ണ്ണചിറകുകളെ
പ്രണയിക്കാന് അനുവാദമില്ല !
വിശ്വാസം
ഞാന് നിരീശ്വരവാദി അല്ല
എന്റെ ദൈവത്തിന് പേരുമില്ല
എന്റെ ദൈവത്തിന് പേരുമില്ല
എന്നെ കാണുന്ന
എന്നെ അറിയുന്ന
ഒരു ശക്തി ഉണ്ടെന്നു വിശ്വസിക്കുന്നു !
എന്റെ ആവശ്യങ്ങളില്
കണ്ണീരോടെ കരയാറില്ല ഞാന്
ആ ശക്തിക്ക് മുന്പില് ...
അങ്ങനെ കരയുന്നതിനെയാണല്ലോ
നിങ്ങള് പ്രാര്ത്ഥന എന്ന് വിളിക്കുന്നത്...
ഞാന് പ്രാര്ത്ഥിക്കാറില്ല
ഞാന് ജീവിക്കുകയാണ് ചെയ്യുന്നത്
എനിക്ക് വേണ്ടതെന്തെന്നും
ഞാന് എന്തായിരിക്കണമെന്നും
മുന്കൂട്ടി തീരുമാനിക്കപ്പെട്ടിരിക്കുന്നു ..
ഞാന് അതിനെ നിമിത്തം എന്ന് വിളിക്കുന്നു
ഓരോ നിമിഷവും
മറ്റൊരു നിമിഷത്തിലെയ്ക്കുള്ള നിമിത്തമാണ് !
ഇത് വരെ ജീവിതം പഠിപ്പിച്ചത് ഇതാണ്
പുതിയൊരു തിരുത്തല് ഉണ്ടാകും വരെ
ഇത് തന്നെ ഞാന് വിശ്വസിക്കും !
Tuesday, July 10, 2012
മിന്നാമിനുങ്ങ്
വിദൂരങ്ങളിലെ പാഴ്ഭൂമിയില്
പറന്ന മിന്നാമിനുങ്ങിനു
നക്ഷത്രക്കൂട്ടങ്ങള്ക്കിടയില് ഇടo ലഭിച്ചു !
ഇത്തിരി ജീവന്റെ പ്രകാശത്തിനു
ഇരുളിലെ നിലാവിന്റെ തിളക്കത്തോട്
മത്സരിക്കനാവില്ലല്ലോ !
സ്വര്ഗ്ഗത്തിന്റെ ഒരു കോണില്
വിടര്ന്നു പുഞ്ചിരിക്കാന്
ആ ജന്മം ധന്യമാകാന് മാത്രം !
കാത്തിരിപ്പിന്റെ സമ്മാനം
കണ്ണീര് വറ്റിയ മിഴികളുമായി
നീ എനിക്കായി കാത്തിരുന്നതല്ലേ !
ഇനി നിനക്കായി വാനം
മഴവില് പൂക്കള് ചൂടട്ടെ ,
ഓര്മയില് പ്രണയം
ഒഴുകിയിറങ്ങട്ടെ !
അടര്ന്നു വീഴാതെ നിന്റെ ആത്മാവിലൊരു
ജീവബിന്ധുവായ് ഞാനലിഞ്ഞു ചേരട്ടെ !
ഇന്നലത്തെ സ്വപ്നം
കൊഴിഞ്ഞൊരു മഞ്ഞുതുള്ളിയുടെ
മൌനനൊമ്പരം
ഇന്നലെ രാവില് പുനര്ജനിച്ചിരുന്നു...
അത് വഴിയാണ് നിന്റെ
സ്വപ്നത്തിന്റെ വേരുകള്
ആരുടെയോ ഓര്മ്മകള് തേടി അലഞ്ഞത് !!
Subscribe to:
Posts (Atom)