Thursday, August 8, 2013

ആളൊഴിഞ്ഞ മുറി

എന്നും കേള്‍ക്കാറുണ്ടായിരുന്നു
അടുത്ത മുറിയിലെ
വാതിലിനു പിന്നിലെ
അജ്ഞാതനായ പരിചിതന്‍റെ
സംഭാഷണങ്ങള്‍ ..
പതുങ്ങിയും
മുഴങ്ങിയും
ചിതറിയും
മുറിഞ്ഞും... !
ഇന്ന് ചുമരിലെ ഘടികാരത്തിന്‍റെ
നിശ്ശബ്ധമായ ഓരോ മിടിപ്പും
ആരെയോ തേടുന്നു ... !
പൊട്ടിച്ചിരിക്കാറുള്ള
പരാതി പറയാറുള്ള
ഇതുവരെ കാണാത്ത
സഹയാത്രികനും പോയിരിക്കുന്നു..
ഒഴിഞ്ഞ മുറിയുടെ ശൂന്യതയുടെ
പ്രതിബിംബങ്ങള്‍
അടഞ്ഞ വാതിലിനു പിന്നില്‍
കൊഞ്ഞനം കുത്തുന്നു.. 

2 comments:

  1. അജ്ഞാതനായ പരിചിതനെ തടഞ്ഞ് ഞാന്‍ വീഴുന്നു.

    ReplyDelete
  2. നല്ല കവിത

    ശുഭാശംസകൾ....

    ReplyDelete