തിരിച്ചറിവ്

അറിയില്ലെനിക്ക്‌ !

നീയൊരു തീപ്പൊരിയായ് 

ഉള്ളിലാകെ പടര്‍ന്നു കയറിയതിന്‍ മുന്‍പ് ,

നിശ്ചലമായിരുന്നത് ഞാനായിരുന്നോ 

അന്നോളമീ  ലോകം സ്തംഭിച്ചിരുന്നോ ??

പുഴയോഴുകിയതും 

സൂര്യനുദിച്ചതും 

പൂക്കള്‍ വിരിഞ്ഞതും 

നിലാവ് പരന്നതും 

അന്നായിരുന്നോ ??

കണ്ടതേയില്ലിന്നേവരേയ്ക്കും 

ഞാനിതൊന്നും !

കാടായിരുന്നുള്ളില്‍ ;

വ്യഥ  !!

തീരാവ്യഥയുടെ കൊടുംകാട് !!

പ്രകാശമെന്നൊന്നുണ്ടെന്നും 

കുളിര്‍ കാറ്റിലും കവിതയുണ്ടെന്നും ,

ഓരോ   പൂവിലും,

കണ്ണുനിറയെ അദ്ഭുതമുണ്ടെന്നും 

അന്നാണ് ഞാനറിഞ്ഞത് ... !

നിമിഷങ്ങള്‍ക്കിടയിലെ 

നീയെന്ന നിമിഷമാണ് പ്രണയം !

അറിവുകള്‍ക്കിടയിലെ 

നീയെന്ന അറിവാണ് പ്രണയം !