Tuesday, October 29, 2013

പ്രണയഹൈക്കു

ഞാന്‍ 
ഞാന്‍ , നീയെന്ന താരാട്ടില്‍
നിത്യം ആകാശത്തിന്‍റെ
ആയത്തിലാടുന്നവള്‍..

കടല്‍പ്രണയം 
ഒരു മിന്നലില്‍
എന്നിലേയ്ക്ക് പ്രണയമയക്കുന്ന കാമുകാ,
പ്രിയ വാനമേയെന്നൊരു
കടലിന്‍റെ തിര വാനില്‍ മുത്തിപ്പറഞ്ഞു..

കുട 
നമ്മള്‍ കുടക്കീഴിലെങ്കിലും
നമ്മെ നനയ്ക്കാന്‍
എത്രയെത്ര കാറ്റുകള്‍
പിറവിയെടുക്കുന്നു ചുറ്റിലും..

സംഗീതം 
വയലിന്‍റെയിഴകള്‍ പോലെ
നീ വിരലോടിക്കുമ്പോള്‍
സംഗീതമായ് ഞാന്‍..


3 comments:

  1. ഞാന്‍ +നീ =പ്രണയം അതും കൂടി.

    ReplyDelete


  2. നല്ല വരികൾ

    ശുഭാശംസകൾ...

    ReplyDelete