Saturday, November 2, 2013

പ്രിയപ്പെട്ട ഒരു സുഹൃത്തിന് വേണ്ടി കുറിച്ചത്

കണ്ണാടിക്കൂട്ടിലെ കുസൃതിക്കണ്ണുകളില്‍ 
എത്ര മുഖങ്ങളാണ് 
എത്ര സ്വരങ്ങളും 
എത്രയെത്ര ഭാവങ്ങളുമാണ് .. !!
അനുകരിക്കപ്പെടാത്ത 
അനുഭവിക്കപ്പെടാത്ത
ഒരായിരം ദിശകളിലേയ്ക്ക്
ചിറകുകള്‍ സന്തോഷത്തോടെ
പറന്നെത്തട്ടെ.. !!
എന്‍റെ സൂര്യന് ചുറ്റിലും
സ്വര്‍ണ്ണച്ചിറകുകളോടെ പറക്കുന്ന നിനക്ക്
സൂര്യകാന്തിയുടെ രണ്ടു വരികളിതാ.. !!
പകരം എനിക്കും ഒരിക്കല്‍
നീ പറഞ്ഞു തരിക,
പുലരിയിലേക്കുള്ള വഴി..
എന്‍റെ സൂര്യനിലേയ്ക്കുള്ള വഴി.. !!
ഏകാന്തതകളില്‍ നിന്നും
അപൂര്‍ണ്ണമായ ഉത്തരങ്ങളില്‍നിന്നും
വേര്‍പെടുത്തി
തമസ്സില്‍ നിന്നും ചിരിയുടെ പ്രകാശത്തിലേയ്ക്ക്
ദിവസങ്ങളെ കൂട്ടിക്കൊണ്ടുപോകുന്ന
നിന്‍റെ ലോകത്തേയ്ക്ക് ,
ഒരായിരം ചിരിത്തുണ്ടുകളിലേയ്ക്ക് ,
ഇനിയെന്നും പകലുകള്‍ ജനിക്കട്ടെ.. !!

1 comment:

  1. നല്ല സൗഹൃദങ്ങൾ ലഭിക്കുകയെന്നത് ഒരു ഭാഗ്യം തന്നെ.

    നല്ല കവിത

    ശുഭാശംസകൾ....

    ReplyDelete