Friday, August 17, 2012

വിധവ

പ്രണയിച്ചതും 
പ്രണയിക്കപ്പെട്ടതുമായ കാലങ്ങള്‍ 
നിലയ്ക്കാത്തൊരു പേമാരിപോല്‍  
മനോവ്യഥയാഴ്ത്തി 
എന്നില്‍ പെയ്യ്തു തുടങ്ങിയത് ,
നിറകണ്ണുകള്‍ നിസ്സഹായമായി 
ഒടുവിലെന്നെ ഉറ്റുനോക്കി 
നിശ്ചലമായ നിമിഷം മുതലാണ്‌ !
ആ ഒഴുക്കില്‍ 
സിന്ദൂരം വാര്‍ന്നു പോയ 
രാവിലാണ് ഞാന്‍ വിരഹിണിയായത് !
സഹതാപം വാലിട്ടെഴുതിയ കണ്ണുകള്‍ 
എന്നെ തേടിയെത്തിയപ്പോഴൊക്കെ 
ഞാന്‍ ഓര്‍മ്മകള്‍ കൊണ്ടെന്‍റെ 
ശിരസ്സുമൂടും !
അനുഭവങ്ങളുടെ കനലില്‍
നീയെന്ന ഓര്‍മ്മ ഇരുളില്‍
എന്റെ മനസ്സിനെ പരതിയെത്തും !
ഇണയൊഴിഞ്ഞ
മക്കളകന്ന ഈ കൂട്ടില്‍
മൌനത്തിലടയിരുന്നു ഞാന്‍ 
പോയ കാലം നോക്കി 
നെടുവീര്‍പ്പെടും !
നിറക്കൂട്ടുകളും 
പ്രണയത്തിന്‍റെ പരാഗരേണുക്കളും 
വഴിതേടി വരാതെ 
വിദൂരതീരങ്ങളില്‍ 
ഒറ്റപ്പെടുമ്പോള്‍ കൂടെയോഴുകിയിരുന്ന
മനസ്സുകളെല്ലാം വരണ്ടുപോയത് പോലെ ... !!

No comments:

Post a Comment