ഓര്‍മയിലെ ചെമ്പകപൂക്കള്‍

അന്നൊക്കെ പുസ്തകത്താളുകളില്‍

കൊഴിഞ്ഞു വീഴുന്ന സുഗന്ധമുള്ള 

വെന്മയായിരുന്നു ചെമ്പകപ്പൂക്കള്‍ !

പ്രണയം വാക്കുകളില്‍ 

പടര്‍ന്നു പന്തലിച്ചപ്പോള്‍

ഇതളുകളടര്‍ത്തി 

ആ പെരെഴുതുമായിരുന്നു !

പിരിയുന്നതിനു മുന്‍പും 

ഞാനവനോട് പറഞ്ഞിരുന്നു

ഒരു പൂവിറുത്തെനിക്ക് തരണമെന്ന് !

പാലിക്കാപ്പെടാന്‍ വാക്കുകള്‍ 

ഇനിയുമിരിക്കെ അവനിറുത്തു

തരുന്ന പൂക്കളും എന്‍റെ

സ്വപ്നങ്ങളില്‍ മാത്രമായി !

അതിനാല്‍ തന്നെ ചെമ്പകപൂക്കള്‍ 

ആത്മാവിലരിച്ചിറങ്ങുന്നൊരു

വേദനയുടെ ഗന്ധമാണ് ഇന്നെനിക്ക് !