Friday, August 10, 2012

ചാപിള്ള

കരുണയില്ലാതെ നീറുന്ന 
വയറിനു മുകളില്‍ 
പുകയുന്ന മുലക്കണ്ണുകള്‍ 
അറിയാതെ ചുരത്തുന്നു!
നെഞ്ചിടിപ്പില്ലാതെ, 
ചലനമറ്റു മുന്‍പില്‍ കിടക്കുന്ന 
ഒരു തുണ്ട് ഇറച്ചിക്കഷ്ണത്തിനു 
കണ്ണുണ്ട് കാതുണ്ട് കൈകളുമുണ്ട് !
അമ്മേ എന്നൊന്ന് വിളിക്കാന്‍ കഴിയാതെ
കുഞ്ഞിക്കണ്ണുകള്‍ ഒരു വേള പോലും 
തുറക്കാന്‍ തുനിയാതെ നീ
എന്‍റെ ഉള്ളില്‍ ഇക്കണ്ട ദിവസമത്രയും
ഇക്കിളി കൂട്ടി കൊതിയാക്കിയതെന്തിനാണ്  ?
സ്വപ്നമായും  സങ്കല്‍പ്പമായും
പ്രതീക്ഷയായും ഉള്ളു നിറഞ്ഞു ഞാനെന്‍റെ
പ്രാണന്‍ വെടിയുന്ന വേദനയില്‍ 
നിന്നെ കയ്യിലെടുത്തപ്പോഴെയ്ക്കുമെന്നെ 
മറന്നുവോ കുഞ്ഞേ നീ ?
ഇനിയീ ജന്മം വെരറ്റ പാഴ്ച്ചെടി
പോലെ കരിഞ്ഞുണങ്ങിത്തീരും 
നിന്‍റെ ഓര്‍മ്മതന്‍ ഉഷ്ണത്തില്‍ !
ഇനി നിന്‍റെ കുഞ്ഞുടുപ്പുകള്‍ മാറോടു ചേര്‍ത്തു 
ജീവന്‍വെടിഞ്ഞ  കുഞ്ഞുടലൊരിക്കല്‍കൂടി നുകരട്ടെ ...

3 comments:

  1. Pokkil kodi murichadarthiyennalum... Mathilu theerkkatha, velikettatha hrudayamonnathil thunni vachallo nin kunjuduppellaam...! Ethra nannai vaaku korthu ne maalayundakki ammayude kazhuthil aniyichirikkunnu...!

    ReplyDelete
  2. നിശാഗന്ധി ഇനിയും വിടരട്ടെ.നന്നായി.ചിത്രം അതിലും നന്നായി.

    ReplyDelete