പുണ്യനദി

കരിഞ്ഞ ചങ്കിന്‍റെ ചാരവും

പാതി കത്തിയ 

തലയോട്ടിയുടെ ശേഷിപ്പും

ഉള്ളിലാക്കി ഒരു മണ്‍കുടം

തുള്ളി തുള്ളി നടപ്പുണ്ട് 

പുണ്യനദിയുടെ നടുമുറ്റത്ത് !

കുടത്തിന്റെ വക്കിലെ

ഉപ്പുകണങ്ങളും നക്കിത്തുടച്ചു

പുണ്യനദി ഉറങ്ങാന്‍ കിടക്കുന്നു !

മണ്‍തരികള്‍ അലിയാന്‍ തുടങ്ങിയപ്പോള്‍ 

ആരുമറിയാതെ പുറത്തുചാടാന്‍ 

നോക്കുന്നുണ്ട് ആ ചിതയില്‍ 

ചുട്ടെടുത്ത നിന്റെ തിരുശേഷിപ്പുകള്‍ !