തൂങ്ങിയാടുന്നുണ്ടൊരു
കലണ്ടറിന്‍ വിരഹം !
ഓടിത്തളര്‍ന്ന് കിതച്ചു
പിന്നെയും ഓടിത്തീര്‍ക്കുന്നു
സൂചിപോല്‍ മെലിഞ്ഞൊരു
പാവം, എന്റെ ഘടികാരത്തില്‍ !
വിരസമായി എന്നും
ഉദിച്ചു മടുത്തു സൂര്യന്‍
കണ്ണ് ചുവപ്പിക്കുന്നു !
ലോകം ചുറ്റി
തിരിച്ചു വന്ന വസന്തo
വിരിയാന്‍ പൂക്കള്‍
ശേഖരിക്കുന്ന തിരക്കിലാണ് !
ഓരോ തവണ പടിയിറങ്ങുമ്പോഴും
വിയര്‍പ്പു തുള്ളികള്‍
വീഴ്ത്തി ,
മടുത്തെന്നു പരിഭവം പറയാതെ
മകരമഞ്ഞ് !
കാലമിതൊന്നുo അറിഞ്ഞതായി
ഭാവിക്കാതെ പുതിയതില്‍ നിന്നും
പുതിയതിലെയ്ക്ക് !
ആരെയും കാത്തുനില്‍ക്കാതെ !
No comments:
Post a Comment