മുറിവുകള്‍

ഏതൊരു മനോഹാര്യതയും 

ജനിക്കുന്നത് മുറിവില്‍ നിന്നാണ്,

നൊമ്പരത്തില്‍ നിന്നാണ് ..

അഴുകിയ വിത്തിന്‍റെ  മാറില്‍ 

പുതുനാമ്പു തളിര്‍മ്പോഴും,

വിരൂപയായ കറുത്ത പരുത്തിക്കുരുവിന്റെ 

മുറിവില്‍  നിന്നും,

വെണ്മയുള്ള പുതു വസ്ത്രം മെനയുമ്പോഴും ,

അമ്മയുടെ പുളയുന്ന മുറിവിലെ 

കുഞ്ഞുടല്‍ പുഞ്ചിരിക്കുമ്പോഴും ,

കരിങ്കല്ലില്‍ ശില്‍പം ജനിക്കുമ്പോഴും,

വേദനിച്ചു വേദനിച്ചു ചിപ്പിയില്‍ 

മുത്ത്‌ മെടയപ്പെടുമ്പോഴും ,

തകര്‍ത്തെറിഞ്ഞ ജീവനില്‍ 

കവിത വെളിച്ചം കാണുമ്പോഴും..

ചലനമറ്റൊരു ആത്മാവിനെ 

പുതുഗാനം പോലെ ... 

ഏതൊക്കെയോ നൊമ്പരങ്ങള്‍ 

ചിരിക്കുവാന്‍ തുടങ്ങും !