Wednesday, December 5, 2012

അപകടമരണങ്ങള്‍

തെരുവിലിടയ്ക്കിടെയൊരു നിലവിളിയുടെ
പ്രകമ്പനത്തിലൂടെ മരണമാഹ്ലാദിക്കുന്നു !
വൃണങ്ങള്‍ പൊത്തി വിറകൊണ്ട വിരലുകള്‍
അവശമായ് മാടിവിളിക്കുന്ന
മരണത്തിനു പുച്ഛം !
ഇന്നലെയമ്മയുടെ മുന്‍പിലാ
കുഞ്ഞിന്നിളം ചങ്കിലൂടെ പാഞ്ഞുകയറിയ
യന്ത്രവേഗത്തിന്‍ കൊലച്ചിരിയില്‍ ,
എരിഞ്ഞ കണ്ണുകളില്‍ ,തകര്‍ന്ന നെഞ്ചില്‍ലോ
പൂണ്ടുവിളയുന്ന മരണം!
ഒരു പൂമൊട്ട് മാത്രം തനിച്ചാക്കി
പൂങ്കുല മുഴുവനായ് പിച്ചിചീന്തുന്ന
വിധിയുടെ കൈകളില്‍ മരണമട്ടഹസിക്കുന്നു !
ശലഭങ്ങള്‍ വന്നാലും
തുള്ളിമഞ്ഞു പൊതിഞ്ഞാലും
പോയ്‌ പോയതല്ലേ ജീവന്‍റെ പുഞ്ചിരി !
ഇനിയുമെത്ര നിലവിളികളാലെന്‍റെ
നിശബ്ദയാമങ്ങളെ ചോരയില്‍ കുളിപ്പിക്കും നീ ?

3 comments:

  1. വിലയില്ലാത്ത ജന്മങ്ങള്‍ നടുറോഡില്‍ അരഞ്ഞുതീരും

    ReplyDelete
  2. മരണമെന്ന സത്യം ഏതെല്ലാം മുഖങ്ങളില്‍ ...അനുഭവിച്ചേ അടങ്ങൂ.പിന്നെ, എന്ത് എന്നു ചിന്തിക്കുമ്പോഴാണ്...

    ReplyDelete
  3. ഒരു പൂമൊട്ട് മാത്രം തനിച്ചാക്കി
    പൂങ്കുല മുഴുവനായ് പിച്ചിചീന്തുന്ന
    വിധിയുടെ കൈകളില് മരണമട്ടഹസിക്കുന്നു ...... Vidhivaiparithyam athu anubavikathe vayyalllo

    ReplyDelete