പാട്ട് പാടുന്ന ഋതുക്കള്‍

തെളിനീരിനും
നീലകാശത്തിനുമിടയിലെ
ശാന്തതയാണ് നിന്‍റെ നെഞ്ചിന്..
മുഖം ചേര്‍ത്തു വയ്ക്കുമ്പോള്‍
മുങ്ങാംകുഴിയിടുന്നത്
സ്വാതന്ത്ര്യത്തിന്‍റെ ലോകത്തേയ്ക്ക്...
കണ്ണുകളില്‍ നീലാകാശം നിറയ്ക്കുന്ന
നിന്‍റെ മായാജാലത്തില്‍
ചിറകു തളരാതെ പറക്കുന്ന
പക്ഷിയാണ് ഞാന്‍ ..
വാതിലുകളില്ലാത്ത
താഴില്ലാത്ത നിന്‍റെ വാനത്തിലേയ്ക്ക്
എത്ര മഴവില്ലുകള്‍ക്കൊണ്ടാണെന്നെ
മാടിവിളിക്കുന്നത് ..
കറ കലരാത്ത നിറങ്ങളുടെ
അനന്തവിഹായസ്സില്‍
നിന്‍റെ നെഞ്ചോട്‌ ചേര്‍ന്ന്
എന്‍റെ ഋതുക്കള്‍
ഗാനങ്ങളാലപിക്കുന്നു.. !!