സമുദ്രം സൂക്ഷിക്കുന്നത്

എത്ര കാലങ്ങള്‍ കിതച്ചുകൊണ്ടോടി നമുക്കിടയിലെ മൌനത്തില്‍ .. ഹൃദയങ്ങളുടെ വിരല്‍വിടവില്‍ എത്ര നദികള്‍ കടലോട് ചേര്‍ന്നു.. കണ്‍പീലിത്തടത്തിലൂടെ നിന്നിലേയ്ക്കയച്ച എന്‍റെ കവിത പാതി വഴിയില്‍ വറ്റിനിന്നതെന്താണ് ?? ഏതു ഭാഷയുടെ ശബ്ദതാരാവലിയിലാണ് പ്രണയമേ എന്ന് വിളിച്ചുകൊണ്ട് നീ അലയുന്നത്.. ? ഏതു വാക്കുകളിലാണ് നീ എന്നെ തിരയുന്നത്.. കണ്ണുകളുടെ മടപൊട്ടിച്ച് നീ ഒഴുകിപ്പോകാതിരിക്കാനാണ് ഇന്നും ഞാന്‍ പൊട്ടിക്കരയാത്തത്.. ഒരു സമുദ്രം കോരിയെടുത്ത് ഉള്ളില്‍ സൂക്ഷിക്കുന്നത്..