മഴയെ വെറുക്കുന്നത്

പാടത്തും വരമ്പത്തും
വെറുതെ പെയ്യ്തു പോകുന്ന
മഴക്കും ഭാഗ്യമുണ്ടാവും
പ്രണയിക്കുന്നവരുടെ  മനസ്സില്‍
തോരാതെ ചേക്കേറാനും
ചുംബനങ്ങളിലൂടെ ഒഴുകിയിറങ്ങാനും..
കവിയുടെ പേനയില്‍
നിലയ്ക്കാതെ പെയ്യാനും
ക്ലാരയുടെ മുടിയില്‍
നനഞ്ഞിരിക്കാനും ..
എങ്കിലും ചോരുന്ന പുരയിലും
വൃദ്ധന്‍റെ തുളവീണ കുടയിലും
കടത്തിണ്ണയിലെ വൃണങ്ങളിലും
ചൂട് തേടുന്ന അനാഥന്‍റെ പനിയിലും
മഴയുടെ തലോടല്‍ ഞാന്‍ വെറുക്കാറുണ്ട് ..