കടല് ചുമക്കുന്നവര്‍

മേശയിലും കിടക്കയിലും 
ചിന്തകളിലും 
എത്രയോ കടലുകളുടെ 
ഭാരം ചുമക്കുന്നവരാണ് നമ്മള്‍ ..
എവിടെനിന്നൊക്കെയോ 
തുള്ളികളായി പിന്നെ പുഴയായി 
മലവെള്ളപ്പാച്ചിലായി
നിലാവ് പൊതിയുന്ന രാത്രികളിലും
ചില തിരിവെട്ടങ്ങളിലും
കവിതയില്‍ നിറയുന്ന കടലിരമ്പം ..
ഇനിയൊരു ലക്ഷ്യമില്ലാത്ത ഒഴുക്കുകള്‍ ,
നമ്മില്‍ അവസാനിക്കുന്ന ചിലത് ..
നീരാവിയാകാതെ
കൈവഴികളാകാതെ
നമ്മോടു ചേര്‍ന്ന് ആര്‍ത്തിരമ്പുന്നത്..