Sunday, October 27, 2013

ക്രൂശിതന്‍റെ നിലവിളി


സ്നേഹിച്ച കുറ്റം പേറി
ആണികളില്‍ ജീവന്‍ കുരുക്കിലിട്ട്
നോവിന്‍റെ കൊടുമുടിയില്‍
കുരിശിലേറ്റപ്പെട്ട്
നില്‍ക്കുന്ന കാലത്തിന്‍റെ
തിരുരക്തപ്പുഴ..
ഒന്‍പതാം മണിക്കൂറിന്‍റെ
കനത്ത അന്ധകാരത്തില്‍
മനസ്സ് പിളര്‍ന്നവന്‍ നിലവിളിച്ചു ,
എന്‍റെ ദൈവമേ എന്‍റെ ദൈവമേ
എന്തുകൊണ്ടു നീയെന്നെ ഉപേക്ഷിച്ചു..
ബധിരമായ കാതുകളും
വന്ദ്യമായ വയറുകളും മരവിപ്പിച്ച്
ക്രൂശിന്‍ ചുവട്ടില്‍ ദൈവപുത്രന്‍റെ
കണ്ണീര്‍ അഭയമറ്റുവീണു..  
ദൂരെയെവിടെയോ ,
ഒരു സ്നേഹത്തെ
ചുംബനത്താല്‍ ഒറ്റിയവന്‍
മുപ്പതു കാശിന്‍റെ തിളക്കത്തില്‍
അടങ്ങാത്ത കടലിന്‍ കരയില്‍
ശാന്തമായൊരു തീരം തേടിനടന്നു .. 

3 comments:

  1. നിങ്ങള്‍ എന്നെച്ചൊല്ലി കരയേണ്ടാ എന്നവന്‍ പറഞ്ഞു

    ReplyDelete
  2. മുപ്പത് കാശിനു വേണ്ടി ഒറ്റി കൊടുത്തവന്‍ ജീവിക്കട്ടെ ..

    ReplyDelete
  3. കാലത്തിന്റെ തിരുരക്തപ്പുഴ.

    നല്ല കവിത

    ശുഭാശംസകൾ...

    ReplyDelete