ഓരോ മുറികളും
ഓരോ തേങ്ങലായിരുന്നു
പുഴുക്കളും വൃണങ്ങളും
പൊള്ളലുകളും
വേദനിച്ചു നിലവിളിക്കുന്നു !
വാര്‍ഡുകളില്‍
അവശമായ വര്‍ത്തമാനങ്ങളും
അസാധാരണമായ സഹനവും,
ലേബര്‍റൂമിന്‍റെ വാതിലുകള്‍ക്കിടയിലൂടെ
മൌനത്തെ തകര്‍ത്ത്
വഴുവഴുപ്പില്‍
വഴുവഴുപ്പില്‍
കരഞ്ഞുപിടയ്ക്കുന്ന
അമ്മമാരും കുഞ്ഞുങ്ങളും !
വീല്‍ ചെയറിലൊരു
വാര്‍ദ്ധക്യം ഇഴയുന്നു !
ഇന്‍റെസീവ് കെയര്‍ യൂണിറ്റിലെ
പ്രതീക്ഷ തോര്‍ന്ന ചിരിയും !
മരുന്നും കണ്ണീരും മണക്കുന്ന
വരാന്തയിലൂടെ,
ചിറകരിയപ്പെട്ട മാലാഖമാര്‍
കിതച്ചുകൊണ്ടോടുന്നു
വെപ്രാളത്തോടെ ഒഴിഞ്ഞു പോകുന്നൊരു
ജീവനെ പിടിച്ചു നിറുത്താന്‍ !
ഇതെല്ലാം കണ്ടട്ടഹസിക്കുന്നു
കാലവും കാലന്മാരും !
ഒരു ഹോസ്പിറ്റലിലെ വിവിധ വാർഡുകളിലെ വേദനകളും, ജീവിതങ്ങളേയും, ചില വ്യർത്ഥതകളേയും ചുരുങ്ങിയ വരികളിൽ പകർത്തി വെയ്ക്കുന്നു
ReplyDelete