Thursday, September 6, 2012

കല്‍പ്രതിമ

കൊടുംശൈത്യത്തില്‍,
തണുത്തു വിറയ്ക്കാതെ
തലയെടുപ്പോടെ നിന്നു
മഴയില്‍ ആവോളം നനഞ്ഞു,
എങ്കിലും കുതിര്‍ന്നില്ല
ഇരുളും വെളിച്ചവും
മാറിമാറി വന്നു പോയി
ഋതുക്കളും പലവട്ടം എത്തിനോക്കി
പിന്നെ തിരികെ നടന്നു
കളയും കാടും മൂടിവച്ചു
എങ്കിലും പരിഭവം സന്ധ്യേ
നിന്നോട് മാത്രമാണെനിക്ക് !
ഒരു തിരിവെളിച്ചത്തിന്‍റെ
വിശുദ്ധികൊണ്ടെന്‍റെ
ചുറ്റുമലങ്കരിക്കാന്‍ കാലങ്ങളായി
നീ മറന്നിരിക്കുന്നു !

1 comment:

  1. ഒരു തിരിവെളിച്ചത്തിന്‍റെ
    വിശുദ്ധികൊണ്ടെന്‍റെ
    ചുറ്റുമലങ്കരിക്കാന്‍ കാലങ്ങളായി
    നീ മറന്നിരിക്കുന്നു !
    "നല്ല വരികള്‍ , ആര്‍ദ്രമാം ചിന്തകള്‍ ..
    വിരഹത്തിന്റെ മേമ്പൊടിയോടെ ..
    എങ്ങനെയാ ഇത്രയും എഴുതി കൂട്ടണേ എന്നും ..
    സമ്മതിച്ചേട്ടൊ .."

    ReplyDelete