തുമ്പി

ഉണ്ടക്കണ്ണുകളും 

കണ്ണാടി ചിറകുകളും കൌതുകമായിരുന്നു 

വളരെ കഷ്ടപ്പെട്ടും,

ശ്രദ്ദിച്ചും പുറകേ ഓടിയുമാണ് പിടിച്ചത്,

വാലില്‍ നൂലു കെട്ടാന്‍ വേണ്ടി 

ചിറകുകളൊടിച്ചു !

പട്ടം പറപ്പിക്കും പോലെ ഉയര്‍ത്തി വിട്ടു 

ചിറകൊടിഞ്ഞു തൂങ്ങി കിടക്കുന്നത് ഓര്‍ത്തില്ല 

പറക്കാതെ വന്നപ്പോള്‍ 

പണ്ടാരം ഒന്നിനും കൊള്ളില്ല എന്ന് പറഞ്ഞാണ് 

നിലത്തിട്ടു ചവുട്ടിയത് !

വേദനിക്കുന്ന ജീവന്‍ ബാക്കിയുണ്ടെങ്കിലും 

ഉച്ചത്തില്‍ ഒന്ന് പറഞ്ഞു കരയാന്‍ 

മനുഷ്യന്‍റെ  ഭാഷ അറിയില്ലല്ലോ !