ചൂരല്‍

വെളുത്തു മെലിഞ്ഞ നിന്നെ 

എന്നുമെനിക്ക് ഭയമായിരുന്നു 

അതിനാല്‍ തന്നെ എത്ര 

രാത്രികളില്‍ ഉറക്കമളച്ചു ഞാന്‍

പാഠങ്ങള്‍ തിന്നു തീര്‍ത്തിട്ടുണ്ട് 

കൈവെള്ളയില്‍ നീ സമ്മാനിച്ച 

ചോരപ്പാടുകളോട് പ്രതികാരമായി

നിന്നെ  കഷ്ണങ്ങളാക്കാനും

ആരുമറിയാതെ ശ്രമിച്ചിരുന്നു  !

എത്ര പ്രതികാരം വീട്ടിയാലും

പിറ്റേന്നും നീ വരും

കണക്കുമാഷിന്‍റെ 

പരുക്കന്‍കൈകളില്‍ ഞെളിഞ്ഞിരുന്ന് 

എന്നെയും തുറിച്ചു നോക്കി !