കരഞ്ഞ കടലുകളും
എഴുതിയ വാക്കുകളും
ചീന്തിയ കടലാസ്സുകളും
എന്നെന്നേയ്ക്കുമായി
മറന്നേക്കുക.. !
എഴുതിത്തളര്‍ന്നിട്ടും
കരഞ്ഞു കലങ്ങിയിട്ടും
വായിക്കപ്പെടാതെ പോയ
വരികളില്‍
നീ വീണ്ടും
ഉടക്കി നില്‍ക്കുവതെന്ത് ??
വിരല്‍ത്തുമ്പില്‍
ഒട്ടിയ തൂലികയോ ?
വിരലറുക്കുക..
വേദന വിരലില്‍ മാത്രം !!
ഹൃദയത്തിന്‍റെ
നീറ്റല്‍ നിലയ്ക്കുമല്ലോ !!
അക്ഷരങ്ങള്‍ക്കുള്ളിലെ
ഇരുണ്ട കോണില്‍
മനസ്സ് പ്രകാശിക്കുന്നുവെന്നോ ??
നീ മാത്രം അറിയുന്ന
നീ മാത്രം അനുഭവിക്കുന്ന
നിന്നെ മാത്രം വഴി നടത്തുന്ന
ശോഭ നിനക്ക് ആവശ്യമോ ??
നിന്‍റെ പ്രകാശത്തില്‍ നിന്നും
എന്‍റെ താമസ്സിലേയ്ക്കുള്ള യാത്രയ്ക്ക്
ഞാന്‍ നിനക്ക് സമ്മാനിക്കുന്നത് ..
എന്‍റെ ഒരായുസ്സാണ് .. !!
അതില്‍പ്പരം നിനക്കെന്താണ് വേണ്ടത് ??
എത്ര ക്ഷണം!
ReplyDeleteകവിത ഇഷ്ടപ്പെട്ടു .....
ReplyDeleteആശംസകൾ !!!!!