ആശുപത്രിയെന്ന ലോകം

ആശുപത്രി
ഒരു ചെറിയ ലോകമാണ്..
ഒരു ഭിത്തിയുടെ വേര്‍തിരിവില്‍ ,
ഒരേ നിമിഷം മരണവും ജനനവും !
ചിലരുടെ തലച്ചോറില്‍
പുഴുവരിച്ചിറങ്ങുമ്പോള്‍
മരണം അടുത്തുനിന്ന്
പൊട്ടിചിരിക്കും ..
മറ്റു ചിലരുടെ ഹൃദയത്തിലേയ്ക്ക്
ജീവവായു കയറ്റി വിട്ട്
ആഘോഷിക്കും..
ആനന്ദത്തിനും
ആഹ്ലാദത്തിനും
അലമുറകള്‍ക്കും
ആവലാതികള്‍ക്കും നടുവില്‍
ഞാനെന്നോ നീയെന്നോ പേരുള്ള
നേര്‍ത്തൊരു ഭിത്തി മാത്രം ..
അവിടെയുമിവിടെയുമായി
വെരുകുകളെപ്പോലെ ,
വിധിയുടെ സ്റെതസ്കോപ്പുo തൂക്കി
മനുഷ്യരൂപങ്ങള്‍ ,
നിമിത്തങ്ങള്‍ ... !!