എന്‍റെ പ്രണയമേ

അറ്റം കാണാത്ത കടലിന്‍റെ 

ഈ ആളൊഴിഞ്ഞ കരയില്‍ 

നീയും ഞാനും 

തിരയുടെയും തീരത്തിന്‍റെയും 

ചുംമ്പനത്തില്‍ ലയിച്ച് !

അങ്ങു ദൂരെ 

കണ്ണില്‍ കണ്ണില്‍ നോക്കി  

ആകാശവും ഭൂമിയും !

സന്ധ്യക്ക്‌ മുന്‍പുള്ള ഈ നിശബ്ധത 

പ്രണയഭാരത്താല്‍ നിശബ്ധരാക്കുന്ന 

ആത്മാവുകളില്‍ രണ്ട് നമ്മുടേതും !

കടലിരമ്പുന്നതറിയാതെ,

വാനമിരുളുന്നതറിയാതെ,

കിളികള്‍ ചേക്കേറുന്നതറിയാതെ,

ഇമചിമ്മാതെ,

എന്‍റെ മിഴികളില്‍ 

നീന്തിനടക്കുന്ന 

നിന്‍റെ കണ്ണുകളുടെ തിളക്കമാണ് 

ഞാന്‍ ശ്വസിക്കുന്നത് 

എന്ന് വിശ്വസിക്കുവാനാണ് 

ഇന്നെനിക്കേറെയിഷ്ടം !

ഭാഷയില്ലാതെ 

വാക്കുകളില്ലാതെ 

ഒരു നിമിഷം കൊണ്ടൊരായുസ്സു 

ജീവിക്കാമെന്ന് എന്നെ പഠിപ്പിച്ച 

മനസ്സിന്‍റെ ഏറ്റവും സുന്ദരമായ 

വികാരത്തിന്‍റെ പേരാണ് നീ ...

എന്റെ പ്രണയമേ .... !!